5/5 ★ – VQS5's review of God of War III.
بعد احداث الجزء الاول والثاني تستكمل رحلة كريتوس في الانتقام وهذي المرة يصل الى أوليمبس ويسعى الى الانتقام من الجميع
قصة اللعبة كانت اسطورية بكل النواحي
قدمت قصة قوية من اول لقطة باللعبة الى اخر لقطة
رحلة انتقام قوية مليئة بالكراهية والغضب من كريتوس
( وبالنسبة لي هذي افضل نسخة كريتوس )
كمية المعاناة الي مر فيها كريتوس خلته ينفجر عليهم
ويطاردهم واحد ورا الثاني باحداث وسرد ممتاز جدًا
سرد يخليك من اول ماتبدا اللعبة لين تخلصها مستمتع
مايخليك تشعر بالملل ابدًا ولا يقتل حماسك ابدًا
مع عدة شخصيات ممتازة جدًا وبناءهم ممتاز
( باستثناء الغرفة البنفسجية 😉 )
بشكل عام قصة اكشنية اسطورية ومن الافضل اكشنيًا
القيمبلاي في اللعبة كان اسطوري بشكل لايصدق
كمية الحركات الي تقدر تسويها مع كمية الاسلحة الموجودة
قيمبلاي مايخليك تشعر باي ملل ابدًا و ودك تلعب اكثر واكثر
قيمبلاي عرف يعطيك سرعة ورتم قيمبلاي ممتازة جدًا
بحيث انها تعطيك عدة طرق تقدر تسويها بوقت قصير
مع تنوع اعداء ممتاز واما البوسس كانوا تحف فنيه
سوا في طرق قتالهم الاسطورية او حتى تصميم قتالهم
كل بوس له قوته او سلاحه الخاص وكل بوس تقتله تقدر تاخذ قوته
وهذا الشي كان يخلي القيمبلاي يتجدد بشكل مستمر
ومايخليك تشعر ب اي تكرار او اي ملل
قيمبلاي اسطوري وممتع من كل الجوانب الي قدمها
الجرافيكس في اللعبة كان جدًا ممتاز بالنسبة لسنة اصداره
مع مشاهد سينمائية ممتازة جدًا باخراج ممتاز
واداء صوتي تاريخي من كل بالذات مؤدي كريتوس شي خيالي
وموسيقى تحفه سمعية بتستمتع فيها طول اللعبة
من اعظم الموسيقات الحماسية الي سمعتها بعالم الالعاب
بالنهاية لعبة تحفه فنية ولازم كل لاعب يلعبها
ولازم تلعب قود اوف وار 1 و 2 قبلها عشان تفهم
او تقدر تشوف قصة الجزئين بالكامل فقط
*وتنبيه اللعبة فيها مهمة الاباحية*