5/5 ★ – Y1989TS's review of SILENT HILL 2.

بعد ريبلاي سايلنت هيل ٢ تغير رأيي بالكامل عن اللعبة ف صارت سايلنت هيل سادس اعظم لعبة جربتها بحياتي واعظم لعبة جربتها بحياتي (عاطفياً) سايلنت هيل لعبة ما تتكرر ابداً عميقة عميقة عميقة لدرجة لا توصف هذي مو مجرد لعبة رعب نفسي وبوسسز وضباب ووwhatever else هذي اللعبة اعمق بمليار مرة من هالسطحية شرح وحرق قصة سايلنت هيل ٢ 🚨🔴🔴 سايلنت هيل ٢ ما اعرف شنو اتكلم وشنو اخلي يبدأ جيمس ساندرلاند برحلته انه يدور على زوجته الي هو قتلها اصلاً قبل ٣ سنين لكن عقلة يقرر انه يخلق جدار يحمي جيمس من الي ممكن يسويه بنفسة لو بقى يفكر بالحقيقة الي سواها عقل جيمس صنع فكرة ثانية بعيدة كلياً عن الحقيقة ف عقل جيمس خلق فكرة ان زوجته موجودة في مدينة سايلنت هيل المدينة الي اعتادوا يروحون لها باعتقاد جيمس انها مدينة عادية ولكن هالمدينة هي تجسيد لكل ذنب سويتة بحياتك هالمدينة تخليك تشوف نفسك بدون اقنعة بدون خصوصية بدون اسرار هالمدينة كل شخص يدخلها يتحاسب فيها على ذنوبه الي سواها ف جيمس لما قتل ماري زوجته حتى يريحها من مرضها لكن شعور الذنب شعور العار شعور الفقد شعور الندم كلها ما راحت من قلبه سايلنت هيل تقرأ ذنوب الانسان ف صنعت الكثير من الوحوش الي تعاقبه على فعله كذلك جيمس له دور ف هو صنع pyramid head الي يعاقب جيمس على قتله لانسان جيمس من اعظم الشخصيات كتابياً سواء بحواراته بصراعاته الداخلية والنفسية بمونولجاته وغيرها وغيرها من العمق الي داخل شخصية جيمس وداخل مدينة سايلنت هيل ولعبة سايلنت هيل ، كذلك سايلنت هيل مدينة تعاقب كل شخص وحده كل شخص له عالم خاص يتعاقب فيه ويتعذب فيه بعيد عن كل عوالم الاشخاص الثانيين صحيح انهم ممكن يتقابلون بس حسب كل شخص تتغير الاشكال ف الوحوش الي بداخل سايلنت هيل جيمس يشوفهم على اشكال تجسد ذنبه ف مثلاً الوحش lying figure شكله يجسد ماري وهي على فراش المرض شكل الوحش يكون ملفوف ومشوه ما عنده ملامح ابداً فقد شيء ملفوف مثل ما نشوفه باللعبة يتحرك وكأنه داخل كيس وهذا الي يبين عمق الكتابة بان كل وحش يجسد جزء من ذنب جيمس ، من الاشياء الي تبين عمق سايلنت هيل ان في احد النهايات او ممكن ثنين منهم الوحوش تبدأ تهرب من جيمس بدلاً من ان تواجه جيمس بسبب حقيقة جيمس المؤلمة "حتى الوحوش تهرب منك يا جيمس" والسبب الثاني لان فعلياً جيمس ما بقاله شي يعاقب نفسه عليه جيمس يقاتل الحقيقة المؤلمة ويتحمل مسؤوليتها ويعترف بذنبة وايضاً من الاشياء الي تبين العمق الكتابي داخل هاللعبة ان لما جيمس يبدأ يتقبل حقيقة انه قاتل يبدأ حتى ما ينظر بوجه اللاعب او بوجهة ف بقائمة الحفظ جيمس تكون عيونه على الجوانب ما ينظر مثل قبل مباشرة للامام بسبب شعوره بالعار من الي سواه والندم ف يبدأ ما يقدر حتى يشوف نفسه بعد الان